Kasbiy ta’lim sohasida Xitoy bilan hamkorlik kengaymoqda

Samarqand viloyatida kasbiy ta’lim sohasida xalqaro hamkorlik izchil rivojlanib bormoqda. Shu munosabat bilan Xitoy Xalq Respublikasining CIIC International Education Technology (Beijing) Co., Ltd. kompaniyasi rahbari boshchiligidagi delegatsiya Samarqand viloyati kasbiy ta’lim boshqarmasiga tashrif buyurdi.

Mazkur tashrif 2025-yil noyabr oyida boshqarma boshlig‘i Azizbek Nasimovning Xitoyga amalga oshirgan xizmat safari davomida imzolangan memorandumlarning amaliy davomi bo‘lib, Gansu viloyati bilan kasbiy ta’lim sohasida hamkorlikni rivojlantirish bo‘yicha istiqbolli rejalar muhokama qilindi.

Uchrashuvda kasbiy ta’limni xalqaro standartlarga moslashtirish, qo‘shma ta’lim markazlarini tashkil etish hamda WorldSkills Asia doirasidagi hamkorlikni kengaytirish bo‘yicha fikr almashildi. Tomonlar zamonaviy texnologiyalar asosida malakali kadrlar tayyorlash bo‘yicha kelishib olishdi.